Tasaday

An mga Tasaday sarong tribu yaon nag'eerok sa islang Mindanao sa Filipinas, partikularmente sa tropikal na kadlagan nin South Cotabato.. Napipisan sinda sa mga Lumad siring sa ibang mga tinubo' nag'eestar sa islang iyan. Kan enot sindang nadukayan kan mga taon 1972 ipigbantolin sa prensa na sinda kumbaga mga tawo na hanggan ngonyan an pamumuhay asin kultura mayong pinag'iba duman sa nagkaburuhay kan panahon na klasipikadong Stone Age. Ngonyan, an patubod na iyan binibistong saro sanang kaputikan pero an isyung ini patos pa nin kontrobersya.

Kan enot sindang natagboan, nagbibilang sanang 27 katawo sinda. Segun ki Nadjo Tarlito Buntas, sarong namamayo kan mga Manobo, an mga Tasaday iyo an kaapo-apoi kan mga tribung T'boli asin Manobo. Dati inaapod daa sindang "Linat Batang". Sinda padagos kan ugaleng pag'estar sa mga lungib, nagbabatong sa kadlagan, asin ginagamit pang kasangkapan iyo an mga pigpolohan na mga gapo. Nagbabahag pa man sinda hale sa piglupnis na ubak nin tinanom.

Totoo, igwa man sindang mga praktis na naguno na sa mga kataraid asin kararaning mga ibang grupo. Bako sindang makiramason sa bako nindang katribu. Susog man sa mga adal, sinda nalalaen man na grupong etnolinguistiko.